بقلم الدكتورة/وفاء حجازي ماچيستير أمراض الباطنة جامعة الأسكندرية ورئيسة لجنة المرأة بحزب الوفد بالمحمودية
التربية المثالية لها قواعد وأسس التربية المثاليه هى مش إن ابنك
ما يقدرش يفتح بقه مع حضرتك ومايقدرش يكسر كلمتك ولا يناقشك
عادي جدآ إن رأيك يكون غلط
وعادي جدآ إنه يخالفك ويناقشك ويكون له رأي مخالف لرأيك
ولنا في سيدنا ابراهيم الخليل الأسوة
إذ قال لرب العزة
أرني كيف تحيي الموتى…. ليطمئن قلبي
وكذلك الحباب بن المنذر وعمر بن الخطاب وغيرهم من الصحابة الانوار قالوا أراء مخالفة لرأي المعصوم الذي يأتيه الوحي من السماء
وسمعهم سيدنا النبي عليه أفضل الصلاة والسلام وأقر بأرائهم…
بلاش نضغط على اولادنا
بلاش نرهقهم ذهنيآ وعصبيآ
مش لازم يكون مثالي
على فكرة مفيش أمل إنه يبقي نبي
عصر الأنبياء إنتهى
ومش لازم يكون أينشتين
مش لازم يحقق أحلامك إللي ماعرفتش إنت تحققها
مش لازم يكون نسخة بديعة منك…
أكيد أنتم عاوزينهم أحسن حاجه في الدنيا
لكن ما تضغطوش عليهم
لأنهم مش آله هم بشر
لهم طاقه ولهم قوة تحمل
عادي جدا إنه يغلط
هو ربك خلقنا كدة علي فكرة
وسمي نفسه رحمن رحيم غفور رحيم تواب…….
عارفين ليه؟؟؟
علشان ربنا عارف إننا هنغلط
سيدنا نوح حتي اللحظات الأخيرة قال لأبنه
“يابني”
كان ودود رحيم بيه حتي اللحظه الأخيرة رغم إنه من الكافرين
يبقى لازم نصبر عليهم شوية
مش إحنا إللي بنربي علي فكرة
دة رزق و فضل من ربنا
أذكر نفسي واياكم
اتقوا الله في أبنائكم.
إستوصوا بهم خيرآ
أولادكم شئ غالي جدآ جدآ
من رب العالمين
حافظوا عليهم
