“عم احمد والست حليمه”
عم احمد راح ع الغيط
بعد ما ساب البيت
حاطت منديل على راسه وصوابعه حاضنه فاسه
والكل يحبه إكمنه
دايما يضحكلك سِنه
عم احمد راجل عادى مصرى موجود في بلادى
ومراته الست حليمه
ست الستات وكريمه
فى الصبح تروق بيتها
بعد ما تحلب بقرتها
وتزغط وزتها
فى الضهر وعز النغرة
تلاقيها دايما فاكرة
تطلع من بيتها الحرة
بعد ما تربطله السرة
فيها جبنة وكام عود خضرة
وطخت حتة مشوار للغيط
من عند الدار فى عز الولعة النار
و أدى عم احمد فى الغيط
حتى مروحش البيت
والفاس طالع نازل
والله ونعم الراجل
لمح بعنيه ام عياله
طله عليه بالغدا جاياله
راح واخد منها
وفتح منديلها
والجودة بالموجود
والفرحة ماليها حدود
قال يا حليمة عرفتى
قالت ايه فرحنى
قال بصى لمحصولنا
قالت رزق عيالنا و أدى أخرة طولة بالنا (دكتورة نادية نافع)
اخبار مشابهة
