الناس اللي محتاجه تخس بس مش عارفه تعملى دايت يبقى لازم تاخدى بالك من النقط اللى هقولها دلوقتى : 1/ ممنوع خالص المشروبات الغازيه وعلى فكره مفيش حاجه اسمها بيبسى دايت 2/ ممنوع المقليات والوجبات السريعه الفاست فود لان فيها نسبه عاليه جدا من الدهون المشبعه وبتزود البطن جدااا 3/ حاولى تقللى النشويات ولازم العشا بليل يكون علبه زبادى أو اتنين ممكن معاهم ثمره او 2 فاكهه على حسب سعراتك الزبادى بيساعد فى الهضم ويا سلام لو عليه عصرة ليمون 4/ ممكن تشربى شاى اخضر بقرفه بعد كل وجبه بنص ساعه اوعى تشربيه على الريق لانه ممكن يسبب قرحه بالمعده لقدر الله 5/ لازم تشربى من 6الى 8 اكواب مياه يوميااااااا 6/ حاولى تقللى الاملاح لانها بتخزن ميه بالجسم وهتلاقى نفسك زايده على الميزان وبرده حاولى تتحكمى فى كميه السكريات اللى هتدخل جسمك مسموح ليكى يوميا ب2معلقه صغيره سكر او عسل ابيض فقط 7/ ممكن تستبدلى الخبز الابيض بالخبز الاسمر (القمح ) فايدته اعلى للجسم ومش بيرفع سكرالدم زي الابيض،و ميخلكيش تجوعي بسرعه و مش عشان خبز دايت تاكلى كميه كبيره منه .بردو بحدود 8/ لازم يكون فى حركه بشكل يومى خلاف شغل البيت على الاقل مشى أو رقص نصف ساعه او صعود ونزول السلم ده هيساعدك جدااا فى زياده الحرق . 9/ نصيحه مهمه بلاش تتوزنى كل يوم لان انتى متخنتيش فى يوم عشان تطلبى من جسمك انه يخس فى يوم او اسبوع احيانا الجسم بيثبت فتره وبعد كده بيخس بمعدلات كبيره فلازم تتحلى بالصبر والاراده . 10/ اهم واخر نقطه النسكافيه والكابتشينو المضاف عليهم كريمه كله دهون بيتخن جدااا ممكن تشربى نسكافيه بلاك أو قهوه بس متكتريش عن 2 يوميا لانه بيسبب سرعه فى نبضات القلب وبيعمل مشاكل فى الضغط.
